Últimos Resultados

Detalles

Publicado o Luns, 17 Xuño 2013 14:28

Unha vez máis, os nosos atletas estiveron presentes a pasada semana en diferentes competicións que tiveron lugar ao longo de todo o territorio nacional. O mércores 12 arrancaba a semana Rodrigo Alonso no XVI Trofeo Internacional Ciudad de Salamanca - G.P. Caja España-Duero, concretamente nos 1500 metros lisos. Nunha carreira na que participaron 24 atletas na mesma serie, Rodri rematou 11º cun tempo de 4'03"65, non puidendo mellora-la súa mellor marca da tempada. [Resultados Salamanca]

O venres 14 celebrábase en Elviña a 2ª Xornada do XII Trofeo Riazor Coruña, no que tomou parte a cadete Míriam Otero nos 300ml, nos que foi terceira cun tempo de 42"51 (marca que corrobora a mínima que xa tiña para o nacional cadete, para o que tamén ten o pasaporte nos 100ml). Por outra parte, Santiago García e Javier Veiga participaron nun 1500ml cun final apretadísimo, no que ata catro atletas remataron ao sprint. Santi conseguiu a primeira posición con 4'01"07 (mellor marca da tempada) e Javi foi terceiro con 4'01"36, que supón unha nova mellor marca persoal para o atleta lucense. Ademáis, como preparación para o Campionato Galego de Combinadas do vindeiro fin de semana, Alex Romero estivo presente nas probas de salto con pértega (3'31m, MMP) e lanzamento de xavelina (40'62m), facendo nesta última proba unha serie moi regular, con 4 lanzamentos válidos moi semellantes. [Resultados Elviña]

Xa o sábado, Sergio Piñón tomaba parte nos 5000ml do XXXVIII Campionato de España de Federacións Autonómicas representando á Selección Galega. O atleta, todavía en categoría júnior, volveu a demostra-lo seu excepcional estado de forma rebaixando en máis de 26 segundos a súa marca, obtendo finalmente a 10ª praza na carreira cun tempo de 14'55"23. Finalmente, Galicia remataría a competición en 5º lugar con 474 puntos, a tan só 3'5 puntos de Castilla y León. [Resultados Avilés]

O mesmo sábado tiña lugar en Noia un Control de Marcas, onde Javier Cancela participou nas probas de 100ml (11"59, +1'3m/s, MMP), 200ml (23"57, +2'8m/s) e 400ml (1'01"12). Neste mesmo control estivo presente Manuel Martínez, que mellorou a súa marca persoal nos 800ml cun tempo de 1'59"59. [Resultados Noia]

En Ourense celebrábase tamén o sábado a VII Xornada XXX Copa Deputación en Pista, na que André Castelo realizou 24"54 nos 200ml (-1'7m/s, MMP) e 38'32m en xavelina. [Resultados Ourense]

Cto. Galego Benxamín e Alevín. Diaou, subcampiona en 500ml

Detalles

Publicado o Domingo, 09 Xuño 2013 19:45

O pasado sábado 8 tiña lugar en Vilagarcía o Campionato Galego Benxamín e Alevín en Pista ao Aire Libre, no que estiveron presentes algúns dos nosos atletas máis pequenos. [Resultados]

A actuación completa dos nosos representantes foi a seguinte:

Benxamín:

• Diaou Diallo, Subcampiona Galega de 500ml cunha boa marca de 1'40"58 (MMP). Ademáis participou nos 50ml, sendo 2ª na súa semifinal con 9"2 M e 5ª na final con 8"39 (MMP).

• Roi Díaz, 10º nos 500ml con 1'48"58.

• Lucía Vázquez, 10ª nos 500ml con 1'49"69 e 13ª en salto de lonxitude con 2'45m.

Alevín:

• Sara Santiago, 6ª nos 2Km Marcha cunha marca de 13'42"12 (MMP).

• Francisco Rodríguez, 9º en salto de altura con 0'97m (MMP).

• Daniela Zwirner, 11ª nos 1000ml cun tempo de 3'53"34 (MMP).

• Roi Polo, 12º nos 1000ml con 3'55"70 (MMP).

• Ana Piñeiro, 15ª en altura cun mellor salto de 0'98m.

Comentar que este mesmo fin de semana, concretamente o venres 7, tiña lugar en Elviña a IV Xornada co Corre Coruña - Circuíto Municipal de Probas en Pista, no que estivo presente Dori Pérez. O atleta, de categoría xuvenil, participou nos 100ml (12"40, +2'1m/s) e nos 200ml (25"34, +1'4m/s, MMP). [Resultados Elviña]

Parabéns a todos!

O Lucus Caixa Rural Galega, sexto en Valencia

Detalles

Publicado o Domingo, 09 Xuño 2013 19:13

Finalmente o equipo feminino do Lucus Caixa Rural Galega acadaba o sexto posto no Octogonal de Permanencia de Primeira División Nacional e conseguía mante-la categoría para a o ano que ven. No encontro, disputado nas Pistas Río Turia de Valencia, participaron varias das nosas atletas defendendo as cores do Lucus: Míriam Otero, que conseguíu unha fantástica 2ª posición nos 100ml con 13"09 (-2'4m/s); María Abeledo, tamén 2ª nos 5Km Marcha con 26'52"69; Amalia Rubido, 7ª en lonxitude con 4'58m (-1'2m/s); e Sonia Beceiro, 4ª en peso con 9'66m e participante tamén no relevo de 4x100, no que foron sextas con 51"71. [Resultados]

Noraboa a todo o equipo!

O equipo masculino, 6º clasificado na Primeira División Nacional

Detalles

Publicado o Domingo, 09 Xuño 2013 18:08

Nun encontro marcado pola gran igualdade entre os participantes durante toda a xornada, o equipo masculino do Club Atletismo Afflelou Narón conseguíu finalmente a sexta posición, que o sitúan como 6º mellor equipo da Primeira División Nacional, fantástico resultado tendo en conta o 13º posto acadado a pasada tempada. Como proba desta gran igualdade entre os seis primeiros equipos, comentar que a vantaxe sobre o sétimo clasificado foi de 19 puntos, mentres que a diferencia respecto ao Hinaco Monzón, campión do encontro, foi de tan só 18. O outro equipo que acadou os ascenso foi o Vino Toro Caja Rural, sendo o Celta 3º, o Alcorcón 4º, o UPV 5º, o Super Amara 7º e o ISS 8º. Os nosos rapaces non defraudaron no momento clave e realizaron en Valladolid unha competición digna de admirar, sobrepoñéndose a algunha baixa de última hora (un dos nosos primeiros espadas, Samuel Paz, non puido participar por un problema no isquio) coa consecución de grandes actuacións: dous primeiros postos, dous récords do club e ata cinco mellores marcas persoais. [Resultados] [Vídeo Competición]

As dúas victorias viñeron a man de Mauro Triana nos 200ml e de David Martínez na proba de disco, quen ademáis, co seu lanzamento de 48'23m, mellorou o Récord do Club no seu debut en case ¡9 metros! Noutro dos lanzamentos, neste caso no martelo e da man de Jorge Castaño, chegounos o outro Récord do Club: 47'94m, mellorando en case un metro o seu anterior rexistro e que ademáis lle proporcionou o terceiro posto na proba. Destacar tamén outras grandes actuacións, como a dos 3000 metros obstáculos de Sergio Piñón, que viu recompensada a súa valentía ao tirar do grupo acabando en segunda posición, cun gran rexistro de 9'18"79 (rebaixando cerca de 17 segundos a súa marca persoal), a segunda posición de Miguel Durán en xavelina ou os terceiros postos de Anxo Blanco en triplo e do Relevo de 4x100.

Os resultados completos dos nosos atletas foron os seguintes:

• 100ml: Jano, 5º con 11"16 (+1'5m/s, MMP).

• 200ml: Mauro, 1º con 22"13 (+2'5m/s).

• 400ml: Manu, 7º con 55"99.

• 800ml: David, 4º con 1'56"05.

• 1500ml: Rodri, 6º con 4'06"50.

• 3000ml: Álvaro, 4º con 9'01"63.

• 3000m obst: Sergio, 2º con 9'18"79 (MMP).

• 5Km Marcha: Pedro, 8º con 25'37"92.

• 110mv: Denís, 4º con 15"60 (-1'6m/s).

• 400mv: Telmo, 5º con 56"43 (MMP).

• Altura: Miguel, 5º con 1'90m.

• Lonxitude: Pablo, 6º con 6'28m (+2'5m/s).

• Triplo: Anxo, 3º con 14'03m (+1'9m/s).

• Pértega: André, 8º con 3'80m.

• Peso: Aarón, 6º con 13'10m (MMP).

• Disco: David, 1º con 48'23m (Récord do Club).

• Xavelina: Miguel, 2º con 58'17m.

• Martelo: Jorge, 3º con 47'94m (MMP e Récord do Club).

• 4x100: Adri, Denís, Mauro e Javi, terceiros con 43"71.

• 4x400: Alex, David, Telmo e Santi, oitavos con 3'32"26.

Dende o Club queremos felicitarvos a todos por esta competición e pola gran tempada realizada, coa que sen dúbida todos conseguimos disfrutar un pouco máis se cabe deste gran deporte. Tampouco queremos deixar pasa-la ocasión de agradecer aos nosos equipos filiais (Atletismo Coruña Comarca, Lucus Caixa Rural Galega e Atlética A Silva) a súa colaboración en cada unha das competicións por equipos de este ano, sen os cales nin os resultados nin as viaxes serían o mesmo. Tan só nos queda desexarvos a todos moita sorte nos vindeiros campionatos e que ogallá acadedes tódolos vosos obxectivos no plano individual. O ano que ven, máis e mellor!

Sergio Piñón, convocado coa Selección Galega Absoluta

Detalles

Publicado o Venres, 07 Xuño 2013 12:30

A Federación Galega publicou ónte a circular onde aparecen os atletas seleccionados para participar no Campionato de España de Federacións Autonómicas, o vindeiro día 15 de Xuño en Avilés. Entre os convocados coa Selección Galega aparece o atleta local Sergio Piñón, concretamente na proba de 5000ml, distancia na que se proclamou campión galego júnior hai unha semana cun tempo de 15'21"95. Ademáis, comentar que tamén estará presente o noso atleta filial Mauro Triana (Atletismo Coruña Comarca) na proba dos 200ml e no relevo de 4x100. Moita sorte a ambos e a toda a expedición en xeral! [Selección Galega]

O Lucus feminino xógase a permanencia en Valencia

Detalles

Publicado o Venres, 07 Xuño 2013 12:17

O equipo feminino do Lucus Caixa Rural Galega competirá mañá sábado en Valencia no Octogonal de Permanencia de Primeira División, co obxectivo principal de evita-la última praza do encontro (recordemos que o CAI Gran Canaria xa está descendido, polo que os 7 equipos restantes xóganse un só posto de descenso). Xunto a elas viaxarán cinco das nosas atletas: Míriam Otero (100ml), Inés Vázquez (200ml), María Abeledo (5Km Marcha), Amalia Rubido (lonxitude) e Sonia Beceiro (lanzamento de peso), que de seguro darán o mellor de sí para axudar ás súas compañeiras lucenses a mante-la categoría unha tempada máis. [Inscritas]

Dende aquí, só nos queda desexarvos moita sorte a todas. Ánimo!